ప్రేమ మరియు ఆనందాలకు దూతలుగా అవుదాం (పార్ట్ 1)

జీవితం ఒక అందమైన ప్రయాణం. ఈ ప్రయాణంలో మనమందరం పొందే అత్యుత్తమ అనుభవాలలో ప్రేమ మరియు ఆనందాలు ఉన్నాయి. మనం పుట్టినప్పటి నుండి ప్రేమ మరియు ఆనందం మనతోటే ఉన్నాయి. మన హృదయాలలో వాటిని పెట్టుకుని మనం పెరిగి పెద్దయ్యాం. అందరితో ఈ రెండు అందమైన భావోద్వేగాలను పంచుకుంటూ, తీసుకుంటూనే జీవితాన్ని గడిపాము.  మనిషికున్న ప్రతి ఉద్దేశం వెనక ఈ రెండు ఎమోషన్లు, వాటి అనుభూతి ఉండటాన్ని మనం చూసాం. నిజమే, ఇవి మన జీవితానికి చాలా ముఖ్యమైనవి, ఏ వయసులోనైనా అందమైన జీవితాన్ని జీవించడానికి ఇవే పునాదులు. కానీ సమయం గడుస్తున్న కొద్దీ ఈ ప్రేమ మరియు ఆనందాలు ప్రపంచంలో పెరగడం లేదు, తగ్గుతున్నాయన్న ముఖ్యమైన విషయాన్ని మనం గమనించాలి. ఈరోజు మనుషులు మునుపటిలా కాక చాలా త్వరగా ఒకరికొరు దూరమవుతున్నారు, ఇతరుల కోసం హృదయంలో శుభ భావనలు నిండి లేవు. నిజానికి, ఆపేక్షలు మరియు కోరికలు అనే రెండు ముఖ్యమైన ప్రతికూల సత్తాలు ఈ సానుకూల రెండు సత్తాలను ప్రపంచంలో తగ్గించేస్తున్నాయి. ఈ ప్రపంచంలో మనం ప్రేమ మరియు ఆనందాలను పంచే దూతలుగా అవుదాం, అందుకు  ఇలా చేద్దాం:

1. ప్రతి రోజూ ఉదయం, విశ్వంలోని ప్రతి ఒక్కరిపట్ల పవిత్రమైన ప్రేమ భావాలను ఏర్పరచుకుందాం, అలాగే రోజంతా ఎవరిని కలిసినాగానీ – స్నేహితులు, బంధువులు, ఆఫీసు సహోద్యోగులు మరియు కుటుంబం. ఉదయం లేవగానే, ప్రభాత ప్రతిజ్ఞ చేయండి – ప్రతి ఒక్కరూ నాకు సన్నిహితులే, నాకు వారితో చక్కని అనుబంధం ఉంది, నా తీయని మాటలు, చేతలు, కర్మలతో దీనిని నేను మరింత అందంగా చేసుకోవాలనుకుంటున్నాను. నా ప్రతి బంధం అందంగా, ఎటువంటి సమస్యలు లేకుండా ఉండేలా చూసుకోవడం నా బాధ్యత. అలాగే రోజూ ఈ ధృవీకరణలు చేయండి – నా ప్రతి బంధాన్ని సంతృప్తి, అవగాహన, అంగీకారం, వినయం, త్యాగం, ఇచ్చే గుణంతో సంపన్నంగా చేసుకుంటాను.

(సశేషం)