సదా సంతోషంగా ఉండే స్వభావాన్ని తయారుచేసుకోవటం

జీవితం యొక్క అత్యంత ముఖ్యమైన గుణాలలో సంతోషం ఒకటి. ప్రతి ఒక్కరూ ఎల్లప్పుడూ చాలా సంతోషంగా ఉండాలని కోరుకుంటారు. వారి జీవితంలో ఏ క్షణంలోనైనా ఎవరూ తమ సంతోషాన్ని కోల్పోకూడదని అనుకుంటారు. మానవ జీవితంలో సంతోషంగా ఉండటం కంటే ముఖ్యమైనది మరొకటి లేదు. ఇది మానవులందరిలో అత్యంత ప్రాధాన్యత కలిగినది. కానీ అదే సమయంలో సంతోషం శాశ్వతం కాదని, అది చాలా త్వరగా వచ్చి పోతుందని అందరూ భావిస్తారు. ఎందుకంటే ఈ రోజు ప్రపంచంలోని చాలా మంది యొక్క సంతోషానికి మూలం బాహ్యమైన దానిపై ఉంది. మన ప్రస్తుత జీవితంలో ఈ బాహ్య మూలాలు హెచ్చు తగ్గులవుతూ మారుతూనే ఉంటాయి. ప్రపంచంలోని కొందరు వ్యక్తులు సంతోషమంటేనే ఇలా అస్థిరంగా మరియు తాత్కాలికంగా ఉండేటటువంటిదని భావిస్తారు. ఇంకా, ప్రపంచంలో సదా సంతోషంగా ఉన్న సమయం అంటూ ఏది లేదని భావిస్తారు. కానీ అది నిజం కాదు ఎందుకంటే భగవంతుడు ఆనంద సాగరుడు. వారి వైబ్రేషన్లు, మాటలు మరియు చర్యలతో సృష్టించబడిన అసలైన ప్రపంచం ఏ రకమైన దుఃఖం లేకుండా ఆనందంతో నిండి ఉంటుంది.

కాబట్టి, మనం మొదట జీవించిన ఆనంద ప్రపంచంలోని మన అసలు సంస్కారాలు నిరంతర సంతోషాన్ని కలిగి ఉన్నాయని, తాత్కాలికమైనవి కాదని చివరికి మనం గ్రహించాలి. మనం గ్రహించవలసిన మరో విషయం ఏమిటంటే, ఆనంద ప్రపంచంలోని బాహ్యమైన ప్రతిదీ స్వచ్ఛమైనది, పరిపూర్ణమైనది అయినప్పటికీ, మన సంతోషం బయట దేనిపై కాకుండా మన అంతర్గత ఆత్మ సాఫల్యంపై ఆధారపడి ఉండేది. మనం బయట ఉన్న ప్రతిదానిని అంటే మన శారీరక సౌందర్యం, మన సంబంధాలు, మన పాత్రలు, మన పరిపూర్ణ ఆరోగ్యం, మన అపారమైన సంపద మరియు బాహ్యంగా మనకు అందించిన ప్రకృతి యొక్క అందమైన బహుమతులను ప్రేమించాము మరియు ఆనందించాము. కానీ అదే సమయంలో మన సంతోషం వాటిపై ఆధారపడి ఉండేది కాదు. ఇప్పుడు మనల్ని మనం నింపుకోవాల్సినవీ అవే సంస్కారాలు – మన వెలుపల ఏమి జరిగినా బేషరతుగా సంతోషంగా ఉండటం నేర్చుకోవాలి. ఎందుకంటే ఇప్పుడు ప్రపంచం, మరికొన్ని సంవత్సరాల పరివర్తన తర్వాత, నిరంతర సంతోషం యొక్క దశలోకి ప్రవేశిస్తుంది. దానిని భగవంతుడు మళ్లీ సృష్టిస్తున్నారు. అందులో మనం భాగం అవుతాము. మన ప్రస్తుత సంస్కారాలను భవిష్యత్తులోకి తీసుకువెళతాము.