సంబంధాలలో క్షమించడం మరియు మరచిపోవడం

సంబంధాలలో తేలికగా మరియు స్థిరంగా ఉండటానికి ఒక ముఖ్యమైన సూత్రం – క్షమించడం మరియు మరచిపోవడం(ఫర్గివ్ అండ్ ఫర్గెట్)  – ఇది సుప్రసిద్ధ సూత్రం – అది ఆచరించడం మనకు కొన్నిసార్లు కష్టమనిపిస్తుంది. దానినే “మరచిపోవాలంటే క్షమించాలి(ఫర్గివ్ టు ఫర్గెట్) ”  అని అనవచ్చు. కొన్నిసార్లు మనం ఒక నిర్దిష్ట వ్యక్తి గురించి ఎంతో చేదు అనుభవంతో చాలా సంవత్సరాలు గడుపుతాము. అవతలి వ్యక్తి అంటే మనల్ని బాధ పెట్టిన వ్యక్తి మనకు ఎలా అయినా ఆ మూల్యం చెల్లించాలని(పగతీర్చుకునే భావోద్వేగాలు) కోరుకునే ఆంతరిక హింసకు లోనవుతాము. మనం వారికి  వెంటనే జవాబు ఇవ్వకలేకపోయినా, ఆ బాధను మన మనసులోనే పెట్టుకుని, తరువాత ఎప్పుడో అది  బయటకు తీస్తాము. అప్పుడు “ఓ అవును, మరి మీరు అలా బాధపెట్టినప్పుడు…….” అని జవాబు ఇస్తాము. మనం క్షమించనందువలనే ఆ చేదుతనాన్ని మనలోనే ఉంచుకుంటాము. ఇది పరిస్థితిని పరిష్కరించదు; అది చేసే ఏకైక పని మన బాధను పెంచి , మానసికంగా భారంగా చేసి , శాంతిగా ఉండనివ్వక పోవడం. కాబట్టి, క్షమించకపోతే, మనం మరచిపోలేము అన్నది ముఖ్యం. ఎవరైనా మనల్ని అవమానించినప్పుడు, దానిని వదిలివేయడం మనం చేసే  చివరి ప్రయత్నం. కానీ మన ఆరోగ్యకరమైన, శాశ్వతమైన సంబంధాన్ని కోరుకుంటున్నప్పుడు, మనం చేయవలసింది అదే.

కొన్నిసార్లు, ఆ బాధ ఒక తెగిన సంబంధానికి సంబంధించినప్పుడు, బాధ పెట్టిన వారిని క్షమించడమే కాక , ఆ అనుభవంలోకి వెళ్లడానికి మిమ్మల్ని అనుమతించుకున్నందుకు మిమ్మల్ని మీరు క్షమించుకోవాలి. ఆ అనుభవాన్ని అనుమతించడానికి అడుగు వేసింది మీరే. మీరు ఆ అడుగు వేయకపోతే,  అలాంటి అనుభవాన్ని చేసుకునేవారు కాదు. మీరు ఆ సంబంధాన్ని ఏర్పరుచుకున్నప్పుడు దానిలో ఉన్న అవకాశాలు, సవాళ్ళు  , ఆ సంబంధంలో ఏమి జరగవచ్చో, అన్నీ మీకు తెలుసు. కాబట్టి అలాంటి పరిస్థితుల్లో, మీరు అవతలి వ్యక్తిని క్షమించడం నేర్చుకోవడమే కాకుండా, మిమ్మల్ని మీరు క్షమించడం కూడా నేర్చుకోవాలి. అప్పుడే మరిచిపోగలుగుతారు.