సంబంధాల్లో కలిగే బాధ నుండి విముక్తిని పొందడం (పార్ట్ 1)

జీవితంలోని వివిధ రంగాలలో వేర్వేరు సంబంధాలలోకి వచ్చినప్పుడు, కొన్నిసార్లు మన అంతర్గత ప్రపంచంలోకి మరొక ఆత్మను అనుమతించినప్పుడు, మనల్ని వారు అర్థం చేసుకున్నట్లు అనిపిస్తుంది. అలాంటి ఆత్మ, బదులుగా, మనల్ని బాగా తెలుసుకునే దిశగా ప్రయాణాన్ని కొనసాగిస్తుంది. అర్ధవంతమైన ఆత్మిక సంబంధాన్ని నిర్మించడానికి మరియు జీవితంలో అందమైన భవిష్యత్తు అనుభవాలకు పునాది వేయడానికి ఇది ఒక అందమైన ప్రారంభం. మన అత్యంత విలువైన సంబంధాలు మనకు చాలా ముఖ్యమైనవి, కానీ అవి మోహాన్ని కలిగి ఉంటే, అది అటువంటి సంబంధంలో ఉన్న ఆ ఆత్మలను ఒకే సమయంలో ఒకరికొకరు గొప్ప సంతోషానికి మరియు లోతైన బాధకు మూలంగా చేస్తుంది. ఇటువంటి సంబంధాలు మనకు గొప్ప సంతోషాన్ని కలిగించినా, కొన్నిసార్లు అవి మనల్ని తీవ్రంగా బాధపెట్టవచ్చు కూడా.

ప్రతి సమయం, మోహాన్ని కలిగిఉన్న ప్రేమ, శ్రద్ధ మరియు సాన్నిహిత్యాలకు, బాధకు చాలా దగ్గరి సంబంధం కలిగి ఉంటుంది అని అర్థం చేసుకోవడంలో అంతర్గతంగా మనం సృష్టించిన అంగీకారం మనకు సహాయపడుతుంది. కొన్ని పరిస్థితులు బాధను కలిగించే విధంగా ఉండవచ్చు కానీ ఎక్కువగా అలా ఉండవు. ఏ వ్యక్తిని ప్రేమించినా, అది మీ తల్లిదండ్రులు కావచ్చు, మీ జీవిత భాగస్వామి కావచ్చు లేదా మీ బిడ్డ కావచ్చు, అది ఒక చర్య మాత్రమే కాదు, మనం వెళ్ళే ఒక చోటు. భౌతిక కోణంలో నన్ను నేనుగా చూడటం వదిలేసినపుడు, మమకారం లేకుండా ప్రేమ యొక్క లోతైన అనుభవం మనలో కలుగుతుంది. ఏ సంబంధంలో అయినా ఈ భావన బేషరతుగా లేదా నిస్వార్థంగా ఉంటుందని, దాని కారణంగా ఇద్దరికీ అపారమైన మరియు శాశ్వతమైన ఆనందం ఉంటుందని మనం గుర్తుంచుకోవాలి. అలాగే, సంబంధం షరతులతో కూడినది లేదా స్వీయ-కేంద్రీకృతమైనది కాదని గ్రహించడం మనల్ని ఇతరులతో ప్రేమగా మరియు మంచిగా ఉంచుతుంది. అదే సమయంలో వారిని ప్రశాంతంగా, నిజాయితీగా సంప్రదించడానికి, వారిని కోల్పోవటానికి సిద్ధంగా ఉండటానికి మరియు వారి పట్ల తక్కువ మమకారం కలిగి ఉండటానికి సహాయపడుతుంది.

(సశేషం…)