సంకల్పబలంతో ఎటువంటి వ్యసనాన్నయినా అధిగమించండి

నా శరీరం దీనిని అడుగుతుంది అని కొందరు అంటారు. నిజానికి ఆ తృష్ణ మనసుదేగానీ శరీరానిది కాదు. టీ, కాఫీ,  మద్యం, మందులు లేదా ఇటువంటి ఏదైనా పదార్థాలు మనసుతో ముడిపడి ఉన్నాయి. కొన్నిసార్లు అనారోగ్యకర పదార్థాలకు మనం అలవాటుపడిపోతాము, ఆ తీవ్రమైన కోరికను దోహదం చేస్తూ – నేను వదలుకోలేను, నాకు అలవాటైపోయింది – అంటుంటాం.

ఏ పదార్థంపై మీరు ఆధారపడి ఉంటున్నారో గుర్తించండి. ఏ వ్యసనమైనా మన ఆలోచనా విధానంతోటే ముడిపడి ఉంటుంది, పదార్థంపై కాదు. దానిని పదేపదే తీసుకుంటూ దానిపై ఆధారపడేట్లుగా మనమే చేసుకున్నాము, ఈ అలవాటును మనం మార్చుకోవచ్చు.

మీ భావోద్వేగాల సృష్టికర్త మీరే. మీ మనసు యొక్క భావాలను సృష్టించడానికి మీకు ఎటువంటి పదార్థాల అవసరం లేదు. ఇది నాకు సంతోషాన్ని ఇస్తుంది, ఇది లేకుండా నేనుండలేను అని ఎప్పుడూ అనకండి. ఇటువంటి ఆలోచనలు మీ సంకల్ప బలాన్ని క్షీణించేలా చేసి మీ వ్యసనాన్ని మరింత బలపరుస్తాయి.

మీ మనసు నుండి తీసేయాలంటే అలవాటైపోయింది అన్న మాటను మీ భాష నుండి తీసేయండి. ఉదయం టీ తీసుకోవడమే అనుకోండి, నేను ఉదయం టీ తీసుకున్నాను అనండి, అంతేకానీ టీ లేకుండా నేనుండలేను అందుకే తీసుకున్నాను అనకండి.

మీ శరీరం ఎటువంటి పదార్థంపై ఆధారపడి లేదు, మీ మనసే కోరికతో పెరపెరలాడుతుంది. రోజూ ఉదయం మెడిటేషన్ చేసి, అనారోగ్యకర అలవాట్లను దూరం చేసుకున్నట్లుగా విజువలైజ్ చేసుకోండి. మనసు శక్తివంతంగా, సంతోషంగా ఉన్నప్పుడు మనసును ఆనందపరచడానికి మీకు ఎటువంటి బాహ్య పదార్థము అవసరం లేదు.