Hin

Santhosham gurinchina 3 avaastava nammakaalu mariyu vaastavam

September 10, 2023

సంతోషం గురించిన 3 అవాస్తవ నమ్మకాలు మరియు వాస్తవం (పార్ట్ 2)

నిన్న మనం ఒక అవాస్తవ నమ్మకం గురించి చర్చించుకున్నాం. మనం సాధించే విజయాలే మనకు సంతోషాన్నిస్తాయి అని భావిస్తూ వచ్చాము. ఇది సరి కాదు. ఈరోజు మరో రెండు అవాస్తవ నమ్మకాల గురించి, వాటి అసలైన వాస్తవాల గురించి తెలుసుకుందాం.

అవాస్తవ నమ్మకం 2: నేను సంతోషాన్ని కొనగలను

ఉదాహరణకు, నేను కోరుకున్న కారును కొంటే నాకు సంతోషంగా ఉంటుంది అని అనుకుంటున్నాను. నేను అతి ఖరీదైన కారును కొన్నాను. నేను ఒక భౌతిక సదుపాయాన్ని కొనుగోలు చేసాను. ఇందులో సందేహం లేదు. ఆ కారులో లాంగ్ డ్రైవ్‌ చేస్తున్నప్పుడు, నా ఆనందాన్ని హరించే ఒక అప్రియమైన వార్తను తెలియజేసే ఒక ఫోన్ కాల్ వచ్చింది. నా కారే నాకు ఆనందాన్ని ఇస్తుంది అన్న మాట నిజమైతే, ఫోన్ కాల్ తర్వాత కూడా నేను సంతోషంగా ఉండాలి కదా. కాల్ తర్వాత కూడా, నా కారు భౌతిక సౌకర్యాన్ని అందిస్తూనే ఉంది, నా భౌతిక శరీరం సౌకర్యంగానే ఉంది. సంతోషం అనేది భావోద్వేగ సౌలభ్యం కాబట్టి, నేను (ఆనందం కోసం వెతుకుతున్న నేను) కాల్ తర్వాత బాధలోకి వెళ్ళినప్పుడు సంతోషం అదృశ్యమైంది. కారు కొన్నప్పుడు మనం ఎందుకు సంతోషంగా ఉంటాము? ఎందుకంటే మనం ఒక ఆలోచనను సృష్టించినప్పుడు – నేను నా డ్రీమ్ కారును కొన్నాను, అది ఆనందాన్ని కలిగిస్తుంది. కాబట్టి, మనం ప్రతిస్పందన (సానుకూల ఆలోచన) సృష్టించడానికి ఒక వస్తువును (కారు) ఉద్దీపనగా ఉపయోగించాము.

వాస్తవము: మీకు ఆనందాన్ని ఇస్తాయి అని భావించి వస్తువులను కొనకండి. భౌతికమైన ప్రతీదీ భౌతిక సౌకర్యాన్ని ఇవ్వడానికే తయారయ్యాయి. సంతోషం అనేది భావోద్వేగ సౌకర్యం.

అవాస్తవ నమ్మకం 3: కుటుంబం, స్నేహితులు నాకు సంతోషాన్ని ఇస్తారు

అంగీకరించడం మరియు ఆశించడం మధ్యన జరిగే పెనుగులాటలో మన సంబంధాలు ఇరకాటంలో పడుతున్నాయి. బంధాలనుండి ఏమి పొందాలో ఆలోచిస్తున్నాంగానీ ఏమి ఇవ్వాలో ఆలోచించడం లేదు మనం. ఇతరులనుండి ఆశించడం ఎక్కువైపోయింది. ఇతరులు మన అవసరాలకు తగ్గట్లుగా మాట్లాడినప్పుడే, ప్రవర్తించినప్పుడే మనం వారిని అంగీకరిస్తున్నాం. ఇతరులు నన్ను అంగీకరిస్తే నాకు సంతోషంగా ఉంటుంది అంటే, అటువంటి సంతోషం ఎక్కువ కాలం నిలువలేదు. ఇతరులు మొదటిసారి నేను చెప్పినట్లు వింటే, వెంటనే వారిపట్ల నాకున్న మరో ఆపేక్షను వినిపిస్తాను. అవతలి వ్యక్తి నేను చెప్పినట్లు వింటే సంతోషం నాలో నిలిచి ఉంటుంది లేదా విడిచి వెళ్ళిపోతుంది. తప్పొప్పుల గురించి ప్రతి ఒక్కరికీ వారివారి నిర్వచనాలు ఉన్నాయి. కాబట్టి నేను వారి నుండి ఆశిస్తున్నాను అంటే నా బంధాలను పాడు చేసుకోవడమే కాకుండా నా సంతోషాన్ని కూడా తగ్గించుకుంటున్నాను అని అర్థం.  

వాస్తవము: ఎవ్వరూ మనల్ని సంతోషపెట్టలేరు, బాధపెట్టలేరు. సంతోషం ఒక భావోద్వేగం, బంధాల నాణ్యతతో సంబంధం లేకుండా మనం సృష్టించుకున్న ఎమోషన్ ఇది.

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

22nd june2024 soul sustenance telugu

మీ మనస్సు ఒక బిడ్డ వంటిది

మనస్సు మన బిడ్డలాంటిది. మనం మన బాధ్యతలను నిర్వర్తిస్తున్నప్పటికీ, మీలో ఉన్న ఈ బిడ్డ  శ్రేయస్సుకు ప్రాధాన్యత ఇవ్వాలి. మనం దానిని ప్రేమించాలి, పాలన చేయాలి మరియు ఓదార్చాలి. మనుష్యులు తమ మనస్సుపై నియంత్రణ

Read More »
21st june2024 soul sustenance telugu

మనుష్యుల వైబ్రేషన్లను అనుభూతి చెందడం ప్రారంభించండి

మీరు ఎవరినైనా కలిసినప్పుడు, మీ దృష్టి ఎటు వెళుతుంది? ఒకటి: వారి రూపం మరియు వస్త్రాలు పై మీ దృష్టి వెళుతుంది. రెండు: వారి మాటలు మరియు చేతల పై దృష్టి వెళుతుంది. ఇపుడు

Read More »
20th june2024 soul sustenance telugu

పోటీ పడటం మానండి… ఈ క్షణాన్ని ఆస్వాదించండి (పార్ట్ 4)

మనం ఏదైనా పని చేస్తున్నప్పుడు సమతుల్య మనస్సును ఉంచుకోవడం కూడా చాలా ముఖ్యం. కోపం, ఆవేశం, అహం లేదా దురాశ మన ఆలోచనలలో అసమతుల్యతను సృష్టించవచ్చు. మనల్ని మనం మనలాగే అనుభవం చేసుకున్నప్పుడు మరియు

Read More »