సర్వ గుణాలు మరియు శక్తులతో మిమ్మల్ని మీరు నింపుకోవడం

సహజ లక్షణాలు లేక ప్రాథమిక లక్షణాలు మార్చలేని లక్షణాలు. సూర్యుని నుండి వేడిని, చక్కెర నుండి తీపిని తీయడం అసాధ్యం. వేడి-తీపి, సూర్యుడు-చక్కెర యొక్క తయారీలోనే ఉన్నాయి. అవి వాటి  ప్రాధమిక లక్షణాలు. అదే విధంగా, ఆత్మనైన నేను మానవ ఆత్మగా మారినప్పటికీ, నా లోతైన ప్రాథమిక లక్షణాలు ఇప్పటికీ నాలో ఎల్లప్పుడూ ఉన్నాయి. ఇవి నా అంతర్గత గుణాలు, నిజానికి నేను ఏ పని చేసినా, ఎవరితో సంభాషించినా మంచితనంలో పరిపూర్ణంగా ఉండేలా నా ఈ అంతర్గత గుణాలే నన్ను ప్రేరేపిస్తాయి.

ఆత్మ యొక్క ప్రాధమిక సహజ సుగుణాలు 7  : శాంతి, ఆనందం, ప్రేమ, సుఖం, స్వచ్ఛత, శక్తి మరియు సత్యత.  ఆ సుగుణాలే  శక్తులకు పునాది. 7 సుగుణాలు ప్రాథమిక రంగుల వలె ఉంటాయి మరియు శక్తులు వాటి ద్వితీయ రంగులు. నారింజ (ద్వితీయ రంగు) ఎరుపు మరియు పసుపు (రెండు ప్రాథమిక రంగులు) మరియు ఆకుపచ్చ (ద్వితీయ రంగు) పసుపు మరియు నీలం (రెండు ప్రాథమిక రంగులు)తో తయారు చేయబడినట్లుగా, సహనం, మాధురత, సంతృప్తి, వినయం మొదలైన అన్ని లక్షణాలు .. మరియు సహన శక్తి, ఎదుర్కొనే శక్తి, సర్దుకునే శక్తి, సహకరించే శక్తి మొదలైన అన్ని శక్తులు ప్రాథమిక సుగుణాలను కలపడం ద్వారా పొందబడతాయి.  ఉదా.

సహనం – శాంతి మరియు శక్తి

వినయం – ప్రేమ మరియు సత్యత 

ఎదుర్కొనే శక్తి – శక్తి మరియు సత్యత 

సహకరించే శక్తి – ప్రేమ మరియు ఆనందం

నేను అన్ని గుణాలు మరియు శక్తులతో నిండి ఉండేలా నా 7 సద్గుణాలను వెలుపలికి తీసి  పెంచుకోవటం మెడిటేషన్ యొక్క లక్ష్యం.