సత్సంబంధాలను కలిగి ఉండటానికి సమస్యలను పరిష్కరించండి

సత్సంబంధాలు అంటే ఎప్పుడూ ఒకరితో ఒకరు కోపం, కలతలు  చెందకుండా లేదా చిరాకు పడకుండా ఉండటం  కాదు. సత్సంబంధం అంటే కలత చెందిన దానిని మీరు త్వరగా  పరిష్కరించుకొని తిరిగి సాధారణ స్థితికి చేరుకోవడం. 

వాదన, మోసం తర్వాత మనం బాధపడి నిరాశకు గురవుతాము. ఎంతో సమయం కోపం, బాధతో  ఉండటాన్ని ఎంచుకుంటాము. బాధను సమర్ధించుకొని ఇతరుల పొరపాటుగా  భావించి  వారు సరిదిద్దుకోవాలని అనుకంటాము. కొన్నిసార్లు వారితో గతంలోలా ఉండలేమని కూడా భావిస్తాము. జరిగిన దానితో సంబంధం లేకుండా సాధారణ స్థితికి రావడానికి కేవలం 1 ఆలోచన మాత్రమే కావాలి. కానీ మనస్సు ప్రశ్నిస్తుంది, దానికి సమాధానాలు ఇవ్వండి.

(1) అది వారి తప్పు అయినపుడు, నేను దీన్ని ఎందుకు చేయాలి? ఎందుకంటే నా అహం కంటే నా సంబంధం ముఖ్యం కనుక. (2) ఇంత త్వరగా సమాధాన పరచడం ఎందుకు, కనీసం వారిని తమ తప్పును గ్రహించనివ్వాలి కదా? ఎందుకంటే గడిచిన ప్రతి క్షణం ఇరువురికి బాధను కలిగించి మా సంబంధాన్ని బలహీనపరుస్తుంది. (3) నేను ముందు అడుగు వేస్తే  నేను బలహీనంగా పరిగణించబడతానా? క్షమించడం, మరచిపోవడం మరియు ముందుకు సాగడం శక్తి, కనుక ఇరువురికీ నేను ఆ శక్తిని ఇస్తాను. (4) నేను తిరిగి సాధారణ స్థితికి వస్తే , వాళ్ళు కూడా అలాగే మారుతారా? వారు మారడానికి సమయాన్ని తీసుకోవచ్చు, కానీ నేను సాధారణ స్థితికి వస్తే, మారే ప్రక్రియ ప్రారంభమైంది కనుక అతి త్వరలో వారు సాధారణ స్థితికి వస్తారు.  (5) నేను ఉపేక్షించబడతానా? నేను చూపించే ప్రేమను, శ్రద్ధను ఇతరులు తక్కువ చేసి చూస్తే, అది నా అదృష్టం. నేను వారిని ఎప్పుడూ ప్రేమిస్తున్నానని వారు నమ్మడానికి నేను వారికి ఒక కారణం ఇచ్చాను.

చాలా ప్రశ్నలు ఉండవచ్చు, కానీ మన సంబంధమే మన ప్రాధాన్యత అని, తప్పొప్పులు కన్నా అందరి సంతోషం మనకు ముఖ్యం అని నిర్ణయించుకుంటే ప్రతి ప్రశ్నకు మన దగ్గర సమాధానం ఉంటుంది.