August 22, 2024
మీరు దినచర్యను ప్రారంభించగానే మీ మనస్సును ఇతరుల పట్ల స్వచ్ఛమైన స్మృతి మరియు వ్యవహారం వైపు మళ్లే కొన్ని సానుకూల ఆలోచనలను చేయండి. శుద్ధత అనేది ఆత్మ యొక్క అసలైన సంస్కారం అని మనందరికీ తెలుసు. మన స్మృతిలో శాంతి, ప్రేమ, ఆనందం మరియు శక్తి ఉన్న చోట శుద్ధత ఉంటుంది. అలాగే, అక్కడ కోపం, అహం, అసూయ, ద్వేషం, ఇతర దుర్గుణాల యొక్క భావోద్వేగాలు లేదా ఆలోచనలకు చోటు లేదు. ఇంకా, గతం లేదా భవిష్యత్తు గురించి లేదా సాధారణంగా ఇతరుల గురించి ఏదైతే కొన్నిసార్లు అనవసరమో దానిని ఎక్కువగా ఆలోచించడం ఉండదు.
కాబట్టి, మన రోజువారీ పని దినచర్యను ప్రారంభించినప్పుడు, దానికి ముందు సానుకూలమైనదాన్ని చదవడం, మన మనస్సును సానుకూలతతో నింపడం చాలా ముఖ్యం, ఇది మిగిలిన రోజంతా మన మనస్సును నిమగ్నమయ్యేలా చేస్తుంది. ఉదయాన్నే ఆధ్యాత్మిక జ్ఞానం లేదా మనస్సు సాధికారత కోసం ఆచరణాత్మక చిట్కాలను చదవడం మీ మనస్తత్వాన్ని మారుస్తుంది మరియు మీరు మానసికంగా తాజాగా, శక్తివంతంగా అనుభవం చేసుకుంటారు. మరోవైపు, సానుకూల ఆలోచనలతో నిండని ఒక ఖాళీ మనస్సు రోజంతటిలో వివిధ ఒడిదుడుకులు లేదా మీ కార్యాలయంలోని, మీ కుటుంబంలోని రకరకాల వ్యక్తుల స్వభావాల ప్రభావంలోకి సులభంగా వస్తుంది. ఉదయాన్నే సానుకూలమైనవి చదివే వ్యక్తి, నిరంతరం ఉత్సాహంగా, శక్తితో నిండి ఉంటాడు, సంతృప్తిని ప్రసరింపజేస్తాడు, జీవితం గురించి మరియు జీవితంలోని వివిధ పరిస్థితుల గురించి ఎటువంటి ఫిర్యాదులు లేకుండా ఉంటాడు. అలాగే, ఆహారం, విశ్రాంతి మరియు వ్యాయామం ఆరోగ్యకరమైన శరీరానికి కీలకమని మనకు తెలుసు. అదే విధంగా, స్వయాన్ని ఆత్మగా అనుభవం చేసుకుంటూ బుద్ధి నేత్రంతో ఆధ్యాత్మిక తండ్రి, పరమాత్మ లేదా భగవంతుడిని అనుభవం చేస్తూ వారి ఆధ్యాత్మిక శక్తి, సానుకూలతతో మిమ్మల్ని మీరు ఉత్తేజపరచుకోవడం ఒక వ్యాయామం లాంటిది. భగవంతునితో ఆలోచన మరియు విజువలైజేషన్ శక్తితో అనుసంధానం అయ్యే వ్యాయామం, ఆత్మకు చాలా బలాన్ని ఇస్తుంది. అలాగే, సానుకూల ఆలోచనలు లేదా జ్ఞానం ఆత్మకు ఆహారం లాంటివి. అలాగే, ఆత్మకు విశ్రాంతి, ప్రతి గంటకు ఒక సారి శాంతిని అనుభవం చేసుకోవడం అనేదే భగవంతుడిని రోజంతా వివిధ రకాలుగా ప్రేమించడం. భగవంతుడు ఎల్లప్పుడూ మనతో ఉంటాడు. ప్రతి ఆత్మకు శుభభావనలను ఎలా ప్రసరింపజేయాలో, వారిని భగవంతునితో స్వచ్ఛమైన ప్రేమ బంధంలో ఎలా బంధించాలో నేర్పిస్తారు. కాబట్టి, చర్యలను చేసేటప్పుడు భగవంతుని సాంగత్యాన్ని ఆస్వాదించడం, వారి నుండి మీరు పొందే ప్రేమ యొక్క వైబ్రేషన్లను ఇతరులకు ఇవ్వడం, ఆత్మకు చాలా శాంతి, విశ్రాంతి మరియు నెరవేర్పును ఇస్తుంది. ఎందుకంటే మీరు భగవంతుని ప్రేమను పంచుకున్న వారి నుండి చాలా ఆశీర్వాదాలను ప్రతిఫలంగా పొందుతారు.
(సశేషం…)
ప్రతి రోజు మీ వాట్సప్ లో ఒక మంచి విషయాన్ని తెలుసుకునేందుకు జీవితంలోని వివిధ రంగాలలో వేర్వేరు సంబంధాలలోకి వచ్చినప్పుడు, కొన్నిసార్లు మన అంతర్గత ప్రపంచంలోకి మరొక ఆత్మను అనుమతించినప్పుడు, మనల్ని వారు అర్థం
ప్రతి రోజు మీ వాట్సప్ లో ఒక మంచి విషయాన్ని తెలుసుకునేందుకు మనలో చాలా మంది మన విశ్వసనీయతను కాపాడుకోవడానికి, ఇతరులపై లేదా పరిస్థితులపై నిందలు వేయడానికి సాకులు చెబుతారు. కొన్నిసార్లు మనకు, మన
ప్రతి రోజు మీ వాట్సప్ లో ఒక మంచి విషయాన్ని తెలుసుకునేందుకు అంతర్గత బలం యొక్క సానుకూల సంస్కారాలను సృష్టించడానికి, మనం ముందుగా పట్టుదల యొక్క మొదటి అడుగు వేయాలి. పట్టుదల అంటే నేను
Start your day with a breeze of positivity and stay motivated with these daily affirmations
After Clicking on Join, You will be redirected to Whatsapp Community to receive daily message. Your identitiy will be secured and no group member will know about another group member who have joined.
