స్వయానికి ఇచ్చిన ప్రతికూల లేబుల్లను మార్చడం

ఇతరుల అభిప్రాయాలను లేదా మన స్వంత అవగాహనను ఉపయోగించి, మనం కొన్నిసార్లు మనకు మనం నేను నెమ్మదిగా ఉన్నాను, నేను దూకుడుగా ఉన్నాను…. అని లేబుల్లను ఇచ్చుకుంటాం. మనకు మనం పదే పదే ఇచ్చుకొన్న లేబుల్ల యొక్క ప్రతికూల సంకల్పాలు మనలో ఆ ప్రవర్తనను పెంచుతాయి. మనం మనకు ఇచ్చుకున్న లేబుల్స్ లేదా ఇతరులు మనపై ఉంచే లేబుల్స్, మన వ్యక్తిత్వం గురించి ఆలోచనలు మరియు మాటలుగా మారతాయి. మనం ఆ  లేబుల్లను మార్చాలని నిర్ణయించుకోక పోతే అవి మన వాస్తవికతగా మారుతాయి.

1. 
   మీ చిన్నతనం నుండి, మీ తప్పుడు అలవాట్లు లేదా ప్రవర్తనల గురించి ఇతరులు ఏమైనా అన్నారా అని చెక్ చేసుకోండి. వారి ఉద్దేశాలు స్వచ్ఛమైనవి, మీరు మారాలని వారు కోరుకున్నారు. కానీ వారు మీకు సోమరితనం లేదా మీకు అజాగ్రత్త వంటి ప్రతికూల లేబుల్లను ఇచ్చారు.
   2. ఇతరులు మీకు ఇచ్చిన లేబుల్లను మీరు అంగీకరించి, వాటిని మీ గుర్తింపుగా చేసుకొని, తద్వారా సోమరితనం లేదా అజాగ్రత్త అనే వ్యక్తిత్వ లక్షణాన్ని పునరుద్ఘాటించే అవకాశం ఉంది. మీరు పదే పదే-నేను అలాగే ఉన్నాను అని చెప్పినప్పుడు, మీరు దానిని బలోపేతం చేస్తారు. ఇది మీరు ఎవరో, మీరు ఎవరు అవుతారో సూచిస్తుంది.
   3. మీరు ఇతరుల నుండి గ్రహించిన మరియు ఇప్పటికీ పట్టుకున్న అన్ని ప్రతికూల లేబుల్ల లిస్టును తీయండి. కాలక్రమేణా, అవి ధృవీకరణలుగా, మీ పదజాలంలో భాగంగా మారాయి, మీ విజయానికి మరియు ఆనందానికి ఆటంకం కలిగిస్తున్నాయి.
   4. మీరు మీ గురించి ఏదైనా ప్రతికూలంగా మాట్లాడుతున్నారా అని చెక్ చేసుకోండి. అది వాస్తవమైనప్పటికీ, వాటిని స్వచ్ఛమైన, సానుకూల లేబుల్లతో భర్తీ చేయండి. ఇది మీ సానుకూల గుర్తింపు అయ్యే వరకు కొన్ని రోజులు రిపీట్ చేయండి.