తక్కువ మరియు నెమ్మదిగా తినడం 

మనం ఎప్పుడు, ఏమి మరియు ఎంత తినాలి  అనే విషయాలపై శ్రద్ధ పెట్టడం యొక్క ప్రాముఖ్యత మనందరికీ తెలుసు. అయినప్పటికీ, మనం తరచుగా ఫోన్‌లో స్క్రోల్ చేస్తూ,  ల్యాప్‌టాప్‌లో పని చేస్తూ  లేదా టి వి చూస్తూ , ఆకలి లేనప్పుడు కూడా ఆహారం తీసుకోవడం వంటివి చేస్తాము. మన శరీరపు అంతర్గత మెకానిజం మన ఆహారపు అలవాట్లను గైడ్  చేస్తుంది, కానీ పరధ్యానంగా తినడం ఆ సంకేతాలను పట్టించుకోనివ్వకుండా మనల్ని బలవంతం చేస్తుంది తద్వారా మనం అతిగా తింటాం.  

సరియైన పద్ధతిలో తినడం మరియు ప్రతి భోజనాన్ని ఆస్వాదించడం యొక్క ప్రాముఖ్యత మనకు తెలుసు. అయినప్పటికీ, భోజన సమయం మీకు ఎంత పవిత్రమైనది? మీ షెడ్యూల్ మిమల్ని మనస్పూర్తిగా తినడానికి అనుమతిస్తుందా? మీరు అతిగా తినడం లేదా మనసు పెట్టకుండా తినడం వంటివి చేస్తుంటారా? భోజన సమయం ఒక పవిత్రమైన ఆచారంగా ఉండాలి, కానీ నేడు మనలో చాలా మంది మనసు పెట్టకుండా పరధ్యానంగా తింటాము. దాని వలన  మనం తినే అనుభూతి, ఆలోచనలు లేదా భావాలను దూరం చేసుకుంటున్నాము. ఇది అతిగా తినడానికి కూడా దారి తీస్తోంది. ఈ విధంగా తినే ఆహారం మనకు అవసరమైన విధంగా పోషణ కాకుండా మనకు హాని చేస్తుంది. వ్యసనాలు, ఒత్తిళ్లు, ప్రలోభాలు లేదా భావోద్వేగ అవసరాల నుండి బయటపడడానికి తినడం అనేది సరి కాదు. మనం మనస్పూర్తిగా తినడం సాధన చేద్దాం – ఎప్పుడు మరియు ఎంత తినాలి అని మన శరీర సంకేతాలను విందాం. ఒకసారి మనం మన ఆకలి మరియు నిండుతనం యొక్క సంకేతాలపై శ్రద్ధ వహిస్తే, అతిగా తినడం నివారించడం సులభం అవుతుంది. మీ స్వంత ఆరోగ్యకరమైన ఆహారపు విధానాలను తయారుచేసుకొని వాటికి అన్ని సమయాలలో కట్టుబడి ఉండండి. నేను ప్రతి ముద్ద పై  దృష్టి పెడతాను,  నేను ఆరోగ్యకరమైన మరియు సమతుల్య ఆహారం తీసుకుంటాను, నేను అతిగా తినను అని మీకు మీరే గుర్తు చేసుకోండి. 

సరైన పరిమాణంలో తినడానికి కట్టుబడి ఉండండి– ఆకలితో ఉండడం లేదా అతిగా తినడం చేయకండి . మీరు మీ శరీర సంకేతాలను విన్నప్పుడు, శరీరానికి ఎంత ఆహారం అవసరమో అంతే తీసుకుంటారు. ఆరోగ్యం మరియు శ్రేయస్సును నిర్ధారించడంలో ఇది ఒక పెద్ద అడుగు. అసలైన ఆకలితో కాకుండా ఇతర కారణాల వల్ల నేను ఆహారం తీసుకోను అని మీకు మీరు గుర్తు చేసుకోండి. నేను నా శరీర సంకేతాలను వింటాను – నాకు ఆకలిగా ఉన్నప్పుడు తింటాను మరియు నిండిన క్షణం ఆపేస్తాను.