ఉద్యోగ అభద్రతను అధిగమించడానికి చర్యలు

చాలా మందికి, ఉద్యోగం అంటే కేవలం ఒక జీవనోపాధి కాదు అది వారి గుర్తింపులో ఒక భాగం. ఉద్యోగ అభద్రత వారి ఆత్మగౌరవం, ఆరోగ్యం, సంబంధాలు మరియు శ్రేయస్సును ప్రభావితం చేస్తుంది. ఉద్యోగస్థులుగా మనం మన ఉద్యోగాలతో ఎంతగా అనుసంధానించబడి స్థిరపడ్డాము అంటే, మనం దానిని కోల్పోతే, మనం విఫలమైనట్లుగా భావిస్తాము. మనలో కొందరు తరచుగా అనుభవించే ఉద్యోగ అభద్రత ఒత్తిడిని మనం అధిగమించాలి.

1. ప్రతిరోజూ ఉద్యోగానికి వెళ్లడాన్ని ఆనందించడం, కార్యాలయంలో మీ ప్రతి పని పట్ల మక్కువతో కట్టుబడి ఉండటం చాలా ముఖ్యం. మీ ఉత్తమమైనదాన్ని ఇవ్వండి, లక్ష్యాలను సాధించి విజయాన్ని ఆస్వాదించండి. కానీ మీ కార్యాలయంలో జరిగే ఒడిదుడుకుల నుండి భావోద్వేగపరంగా స్వతంత్రంగా ఉండండి.
2. భయం, అభద్రత యొక్క వైబ్రేషన్లు మీ భావోద్వేగ ఆరోగ్యాన్ని దెబ్బతీస్తూ పనిలో మీ పనితీరును ప్రభావితం చేస్తాయి. సానుకూల శక్తిని అనుభవం చేసుకోవడానికి మీ ఉద్యోగాన్ని నాది అనే భావనతో చేయండి. ఉన్నత నైతిక ప్రమాణాలను ఏర్పరచుకోండి. ఉల్లాసంగా ఉండండి, జ్ఞానాన్ని పంచుకొంటూ మీ నైపుణ్యాలను పెంచుకోండి. మీరు మీ ఉద్యోగానికి ఇచ్చే విలువ మరియు ఉద్యోగంలో మీరు పొందే ఆదరాభిమానాలు ప్రశంసించబడతాయి.
3. ఏ కారణంగానైనా మీరు మీ ఉద్యోగాన్ని కోల్పోతే, భయపడవద్దు లేదా ఆందోళన చెందవద్దు. మీరు నిజంగా మిమ్మల్ని మీరు జాగ్రత్తగా చూసుకోవలసిన సందర్భాలు అవి. ఆరోగ్యకరమైన ఆహారం తీసుకోండి, ధ్యానం చేయండి, వ్యాయామం చేయండి మరియు బాగా నిద్రించండి. మనసు, శరీరాన్ని దృఢంగా ఉంచుకోండి. కంపెనీలు భావోద్వేగపరంగా బలమైన వ్యక్తులను నియమించుకోవాలనుకుంటాయని గుర్తుంచుకోండి.
4. మీ నైపుణ్యాలు, అనుభవం, ప్రతిభ, విలువలు, బలాలు మరియు విజయాలు అన్నీ మీ ఆస్తులు – అవి మీతోనే ఉంటాయి. సానుకూలంగా ఉండండి, కొత్త అవకాశాలపై దృష్టి పెడుతూ వీలైనంత త్వరగా కొత్త ఉద్యోగాన్ని కనుగొనండి. ఏది జరిగినా అది మీకు ఖచ్చితమైనది, ప్రయోజనకరంగా ఉంటుందని నమ్మండి.