వైఫల్యాలను సులభంగా అంగీకరించడం

మనం ఎంత కష్టపడినా కొన్నిసార్లు విఫలమవుతాము అనేది జీవితంలో ముఖ్యమైన పాఠాలలో ఒకటి. మనం వైఫల్యాలు, లోపాలను మన ప్రయాణంలో భాగంగా పరిగణించి అంగీకరించాలి. మనలో చాలా మంది జీవితంలో వైఫల్యాలకు భయపడతాము . కానీ మనం విఫలమైనప్పుడు, అనుభవం మరియు నేర్చుకున్న ఆ పాఠం మనకు  బహుమతులు అనేది సత్యం. గొప్ప విజయ గాథలో కూడా చెప్పలేని అనేక వైఫల్యాలు, తప్పులు మరియు సవాళ్లు ఉంటాయి.

1. వైఫల్యాలు లేదా తప్పులు జరిగినప్పుడు అపరాధభావాన్ని సృష్టించవద్దు. అపరాధ భావం నేను తగినంత మంచిగా లేను అనే భావనకు దారితీస్తుంది. వైఫల్యం కారణంగా మీరు తగినంత మంచిగా లేరని మీరు భావిస్తే, అది మీ ఆత్మగౌరవాన్ని తగ్గిస్తుంది.
2. మీ ఆలోచనలు, భావాలకు బాధ్యత వహించడానికి ప్రతి ఉదయం ధ్యానం చేయండి. ఆత్మ గౌరవం మీరు సాధించేవాటిపై ఆధారపడి వుండదని మీరు అనుభవం చేసుకుంటారు. మీరు సదా శాంతి మరియు ఆనంద స్వరూపులే కానీ లక్ష్యాన్ని సాధించిన తర్వాత వాటిని అనుభవం చేసుకోవటం కాదు.
3. అనుభవాన్ని, పాఠాలను తీసుకొని పొరపాటును మరోసారి చేయకూడదని మీకు మీరే వాగ్దానం చేసుకోండి. నిందించడం, ప్రశ్నించడం లేదా అపరాధభావంలోకి వెళ్లకుండా శక్తిని ఆదా చేసుకోండి. ఆ శక్తితో మిమ్మల్ని మీరు బలోపేతం చేసుకొని ముందుకు సాగడానికి ఉపయోగించుకోండి.
4. పరిస్థితులు మరియు వ్యక్తులు మీ నియంత్రణలో లేరని అర్థం చేసుకోండి. మీరు వాటికి ఎలా స్పందిస్తారో అది మీ నియంత్రణలో ఉంటుంది.
5. లక్ష్యాలను నిర్దేశించుకోండి, ప్లాన్ చేసుకోండి, అమలు పరిచి లక్ష్యాన్ని సాధించి విజయాన్ని ఆస్వాదించండి. కానీ ఒక పనిని లేదా దాని ఫలితాన్ని మీ శారీరక, భావోద్వేగ శ్రేయస్సు కంటే ముఖ్యమైనదిగా చేసుకోవద్దు.