వినయంగా ఉంటూ ప్రతి ఒక్కరికీ గౌరవం ఇవ్వండి

ప్రతి సమాజం మరియు ప్రతి కుటుంబం కూడా ప్రవర్తనలో కొన్ని నియమాలను పాటిస్తుంది. వ్యక్తుల పాత్రలు, పదవుల ఆధారంగా వారిని గౌరవించడానికి ఆ నియమాలు మనకు ప్రవర్తనా నియమావళిగా పనిచేస్తాయి. నిర్దిష్ట పాత్రలలో ఉన్న వ్యక్తులను మనం ఎలా గౌరవించాలి,  వారితో ఎలా ప్రవర్తించాలి, పరస్పరం ఎలా వ్యవహరించాలి అనే దాని గురించి నియమాలను కలిగి ఉండటం ఆ పాత్ర యొక్క గౌరవాన్ని కాపాడుకోవడానికి చాలా ముఖ్యం. కొన్నిసార్లు, ప్రత్యేకించి మనకు ఇబ్బంది పెట్టిన అనుభవం లేదా వ్యక్తులపై ప్రతికూల అభిప్రాయం ఉన్నపుడు, మన అహం ఈ నియమాలను అనుసరించనివ్వదు. అనుసరించే నియమాలు మనల్ని మరియు మన సంబంధాలను బలోపేతం చేస్తాయి.

1. వివిధ స్థాయిలలో అనుసరించే సంబంధిత నియమాలను తెలుసుకోండి: అది మీ కుటుంబం, సమాజం, నమ్మకాలు లేదా దేశం స్థాయి లో కావచ్చు. అడుగుతూ, గమనిస్తూ నేర్చుకోండి.
2. మీకు తెలిసిన వ్యక్తుల గురించి మీ అభిప్రాయాలను చెక్ చేసుకోండి. మీ కంటే ఉన్నత స్థానంలో ఉన్న పెద్దవారితో, మీ కంటే మెరుగ్గా పని చేసి ప్రశంసలు పొందిన వారితో ప్రారంభించండి. అసూయ, న్యూనత లేదా ఉదాసీనత వంటి ఆలోచనలు ఉంటే, మీ మనస్సుకు ఇలా చెప్పుకోండి – వారి పాత్ర మరియు పదవికి గౌరవం ఇవ్వడం నా బాధ్యత.
3. వయసులో చిన్నవారైనా, తక్కువ లేదా సమానమైన పాత్ర ఉన్న వారితో కూడా వినయంగా ఉండండి. ఇతరులు వారితో వేరేలా ప్రవర్తించినప్పటికీ, వారితో మర్యాదగా ఉండండి.
4. మీరు గౌరవం ఇచ్చినప్పుడు, ఏర్పడిన సానుకూలత మీకు సద్భావనను పెంపొందించడానికి సహాయపడుతుంది. ఏ పని చేసే వారితో అయినా మర్యాదగా ఉండడం బలానికి సంకేతం. మీ నైతికతను అహంపై గెలవనివ్వండి.