Hin

15th dec 2023 soul sustenance telugu (1)

December 14, 2023

వ్యక్తులనుండి భావోద్వేగ స్వతంత్ర్యత

మనకున్న బంధాలలో, కొన్ని బంధాలపై మనం భావోద్వేగంగా ఆధారపడి ఉంటాం. మనం ఇతరుల అవసరాలు, అభిప్రాయాలు మరియు భావాల గురించి ఆలోచిస్తూ అసమంజసంగా సమయాన్ని వెచ్చిస్తాము.  మన సొంత అవసరాలు ప్రక్కకు వెళ్ళిపోతాయి ఎందుకంటే మన భావాలు, నిర్ణయాల నియంత్రణను పూర్తిగా ఇతరులకు ఇచ్చేసాము. వారు మనల్ని ప్రేమించాలని వారి నుండి ఆశిస్తూ వారిపై ఆధారపడి ఉంటాం, ఇది ఇరువురికీ మంచిది కాదు. మీ మనసు ఎవరితోటైనా భావోద్వేగంగా చిక్కుబడి ఉండటాన్ని ఎప్పుడైనా గమనించారా? ఏ వ్యక్తి అయినా ఎప్పుడూ మీ మనసులో ఉంటున్నారా? అటువంటి వ్యక్తి ప్రవర్తనలో కొద్దిగా తేడా వచ్చినా మనసు పాడవుతుందా? భావోద్వేగంగా ఇతరులపై ఆధారపడటం మనమనుకున్న దానికన్నా చాలా ప్రమాదకరమైనది. ఇది గాఢమైన వ్యసనంలా కూడా మారవచ్చు. మన మనసు కొందరి ప్రవర్తనపై ఆధారపడి ఉన్నప్పుడు, వారు మనం కోరుకున్న విధంగా ఉండాలని ఆశిస్తాం. ఎప్పుడూ వారి నుండి ప్రేమ, హాజరు, అభిప్రాయాలు మరియు సమ్మతిని కోరుకుంటాము. ఇందులో ఏ ఒక్కటి లభించకపోయినాగానీ మనకు అభద్రతా భావన కలుగుతుంది. నిజానికి మనకు భావోద్వేగంగా చాలా శక్తి ఉంది. మనకు వారి నుండి ఏమీ అవసరం లేదు. వారు ఎలాంటి వారో అర్థం చేసుకుని వారితో అలాగే వ్యవహరిద్దాం, అంతేకానీ నాకు భావోద్వేగ హాయిని అందిస్తారని కాదు. నిజమైన ప్రేమ విడుదలను తెస్తుంది. ఆధారపడి ఉంటే అది వారినీ, మనల్నీ ఉక్కిరి బిక్కిరి చేస్తుంది. మిమ్మల్ని మీరు ప్రేమించుకోండి. మీ మనసుతో సమయాన్ని గడపండి. మనసుకు గుర్తుచేయండి – నా బంధాలు భావోద్వేగ స్వతంత్ర్యత మరియు ప్రేమ అను పునాదిపై నిల్చుని ఉన్నాయి.

ప్రశాంతంగా కూర్చుని, వ్యక్తులనుండి భావోద్వేగంగా ఆశ్రితమై ఉండే స్వభావాన్ని ఎలా తొలగించుకోవాలి, తిరిగి స్వాతంత్ర్యాన్ని ఎలా పొందాలి అని ఆలోచించండి. మిమ్మల్ని మీరు స్పష్టంగా చూసుకోండి, మీ అవసరాలను గుర్తించండి. మీ ఆత్మ గౌరవం పెరుగుతుంది, మీ మమకారాలు, ఆశ్రితతత్వం తగ్గుతాయి. మీకు మీరు గుర్తు చేసుకోండి – నేను శక్తిశాలి స్వరూపాన్ని. నేను భావోద్వేగపరంగా స్వతంత్రంగా ఉన్నాను, నాకు ఎలా కావాలో, ఏమి కావాలో నాకు తెలుసు. నా ఆంతరిక ప్రపంచాన్ని ఎవ్వరూ ప్రభావితం చేయలేరు.

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

17th june2024 soul sustenance telugu

పోటీ పడటం మానండి… ఈ క్షణాన్ని ఆస్వాదించండి (పార్ట్ 1)

ప్రతి ఆత్మ సంతోషాన్ని కోరుకుంటుంది. సంతోషంగా ఉండటం కోసం సంతోషాన్ని వెతుకుతుంటాము. ఆరోగ్యం, అందం, ధనము, పాత్ర వంటి ఇతర గమ్యాలు కూడా విలువైనవే ఎందుకంటే అవి మనకు సంతోషాన్నిస్తాయి అని మనం భావిస్తాము.

Read More »
16th june2024 soul sustenance telugu

 దేవీ దేవతల 36 దివ్య గుణాలు

నిన్నటి సందేశంలో, దేవీ దేవతలలో ఉన్న 36 దివ్య గుణాలను ప్రస్తావించాము. మనం పరిపూర్ణంగా, స్వచ్ఛంగా మరియు ప్రశంసనీయంగా తయారవ్వటానికి మనలో ప్రతి గుణం చెక్ చేసుకొని ధారణ చేద్దాము. ఈ గుణాలన్నింటినీ మనం

Read More »
15th june2024 soul sustenance telugu

దేవి దేవతల 5 అర్హతలు

కలియుగం (ఇనుప యుగం) చివరిలో మరియు సత్యయుగం (స్వర్ణయుగం) ప్రారంభానికి ముందు, మానవాళికి రాత్రి మరియు మానవాళికి పగలు మధ్య ఉన్న ప్రస్తుత సంగమయుగంలో భగవంతుడు మానవులను దేవీ దేవతలుగా మారుస్తున్నారు. దేవీ దేవతలకు

Read More »