Aayein anubhav karein atma darshan karein
Apne paanchon swarupon ka chintan karein
Anadi roop rachkar tan bhan tajkar
Paramdham chal dein smritiyon se sajkar
Prabhu pas aakar, kiran mein nahakar
Unsa banein yadon mein hum samakar
Sneh se kalp taru ka sinchan karein
Aayein anubhav karein atma darshan karein
Apne paanchon swarupon ka chintan karein
Naye roop utre jo sampurn pavan
Apni ye duniya swargik suhavan
Apne dharti gagan mand paavan pawan
Nath tribhuvan ke hum lete the sukh saghan
Adi roop ankhon me abhinandan karein
Aayein anubhav karein atma darshan karein
Apne paanchon swarupon ka chintan karein
Dekhe dwapar me mandir mein pooja hui
Pujya hum hi to the wo na duja koi
Ho kataron mein karbaddh karte naman
Karte purn kamana bhaktvatsal nayan
Kitni shraddha se wo bhakti poojan karein
Aayein anubhav karein atma darshan karein
Apne paanchon swarupon ka chintan karein
Chalte chalte kaal chakra jo poora hua
Sangam mein apnon se sangam hua
Bhagya dware khule humko bhagwan mile
Lag ke prabhu ke gale bhagya likhne lage
Brahma vanshi brahman gyan gunjan karein
Aayein anubhav karein atma darshan karein
Apne paanchon swarupon ka chintan karein
Kar tapasya videhi farishta hue
Shakti bharte Prabhu seva karte hue
Karke paavan prakriti vishwa badlenge hum
Apsa baba ban tan se niklenge hum
Dhun hai apke kathan pe khud ko arpan karein
Aayein anubhav karein atma darshan karein
Apne paanchon swarupon ka chintan karein
