విత్రమైన అరసవెల్లి శ్రీ సూర్యనారాయణ స్వామి పుణ్యక్షేత్రంలో సూర్యుని జన్మదినోత్సవంగా మరియు రాష్ట్ర పండుగగా నిర్వహించబడే రథసప్తమి వేడుకలకు ముందుగా అంకురార్పణ కార్యక్రమాన్ని ఘనంగా ప్రారంభించారు. ఈ కార్యక్రమం రథసప్తమి ఉత్సవాలకు ఆధ్యాత్మిక శుభారంభంగా నిలిచింది.
ఈ సందర్భంగా ప్రాణాయామం, సూర్య నమస్కారాలు, యోగాసనాలు, శాంతి మంత్ర జపంతో పాటు సప్తవర్ణ రాజయోగ ధ్యానంను ఏర్పాటు చేశారు. కార్యక్రమంలో పాల్గొన్నవారు ఆధ్యాత్మిక ప్రశాంతతను, శారీరక మానసిక సమతుల్యతను అనుభవించారు.
బ్రహ్మకుమారీల జయలక్ష్మి అక్కయ్య సభాముఖంగా సప్తవర్ణ రాజయోగ ధ్యానాభ్యాసంను నిర్వహించి, పరమాత్మతో ఆత్మ సంబంధాన్ని బలపరుచుకునే విధానాన్ని స్పష్టంగా వివరించారు.
ఈ కార్యక్రమానికి జిల్లాలోని ప్రముఖులు హాజరై విశేషంగా అభినందించారు. జిల్లా కలెక్టర్ స్వప్నిల్ దినకర్ పున్కర్, అదనపు కలెక్టర్, ఎమ్మెల్యే గుండు శంకర్, వివిధ ఎన్జీవో అధికారులు, ఆయుష్ డిపార్ట్మెంట్ సీనియర్ డాక్టర్ జగదీష్, యోగ అధ్యక్షురాలు స్వాతి, ప్రముఖ యోగ గురువు రామారావు గారు, పలు యోగ సంస్థల గురువులు, అభ్యాసకులు పెద్ద ఎత్తున పాల్గొన్నారు.
ఈ అంకురార్పణ కార్యక్రమం రథసప్తమి వేడుకలకు ఆధ్యాత్మిక ఉత్సాహాన్ని కలిగిస్తూ, ఆరోగ్యం, శాంతి, సమరసత అనే సందేశాలను ప్రజల్లో వ్యాప్తి చేసింది.
