ఆత్మ కోసం 7 విటమిన్లు

విటమిన్లు భౌతిక శరీరానికి శక్తి నింపే పోషకాలు. మనం ఆహారం ద్వారా వివిధ విటమిన్లను తీసుకుంటాము. ఆధ్యాత్మిక జ్ఞానం మరియు ధ్యానం రెండూ భగవంతునితో సంబంధం జోడించే విధానాలే, ఇవి 7 ఆధ్యాత్మిక విటమిన్లతో ఆత్మను పోషిస్తాయి –

1. శాంతి – ఎటువంటి ప్రశ్నలు లేని లోతైన ప్రశాంతత యొక్క అనుభవం. అందరినీ, అన్నింటిని అంగీకరించే లోతైన సంతృప్తి ఉంటుంది. శాంతి యొక్క అందమైన ఆలోచన ఏమిటంటే – నేను శాంతితో నిండిన ఆత్మను … నేను శాంతిని అనుభూతి చేస్తూ అందరికీ ప్రసరింపజేస్తాను.
2. సంతోషం – స్వయం యొక్క గుణాలతో, ఇతరులతో మరియు ప్రక్కృతితో లోతుగా కనెక్ట్ అయ్యి ఉన్నాము అనే భావనతో చాలా తేలికతనం మరియు ఉత్సాహం యొక్క అనుభవం. సంతోషం యొక్క ధృవీకరణ ఏమిటంటే – నేను సంతోషంగా మరియు తేలికగా ఉన్నాను … నేను నా అంతర్గత సానుకూల శక్తితో ప్రతి ఒక్కరినీ చేరుకుంటాను.
3. ప్రేమ – స్వయానికి, భగవంతునికి మరియు చుట్టూ ఉన్న ప్రతివారికీ, ప్రతిదానికీ మంచితనం యొక్క లోతైన అనుభూతి. హృదయం నిండిన అనుభూతి. ప్రేమ యొక్క లోతైన ధృవీకరణ ఏమిటంటే – నేను ప్రేమ యొక్క ఏంజెల్ ను … ఇతరుల ప్రయోజనం కోసం నేను శ్రద్ధ వహిస్తాను, పంచుకుంటాను, నన్ను నేను బాగా వ్యక్తపరుస్తాను.
4. ఆనందం – కోరిన ప్రతిదాన్ని పొందిన మరియు ఇంకేమీ అవసరం లేదు అనే అనుభూతి. ఆనందం యొక్క చాలా లోతైన అనుభూతి ఇలా వ్యక్తీకరించబడింది – నేను ఆనందకరమైన ఆత్మను … నేను భగవంతునితో కనెక్ట్ అయ్యి వారికి ఉన్న ప్రతిదానితో నన్ను నేను నింపుకుంటాను.
5. పవిత్రత – ఆత్మ తన ప్రతికూలతను తొలగించి పరిపూర్ణంగా మారిన స్వచ్ఛత యొక్క లోతైన అనుభవం. పవిత్రత యొక్క సానుకూల ధృవీకరణ ఏమిటంటే – నేను స్వచ్ఛమైన ఆధ్యాత్మిక శక్తిని … నేను అన్ని పాపాలు మరియు తప్పుల నుండి నన్ను శుభ్రం చేసుకోవడానికి భగవంతుని జ్ఞానాన్ని నేర్చుకుంటూ అనుభూతి చెందుతున్నాను.
6. శక్తి – ఆత్మ నిర్భయంగా మరియు సహనంతో ఉన్నప్పుడు కలిగే శక్తి, స్థిరత్వం యొక్క భావోద్వేగం. శక్తి యొక్క సానుకూల ప్రతిబింబం ఏమిటంటే – నేను ఆత్మిక స్పృహతో ఉన్నాను మరియు శరీర స్పృహ నుండి పూర్తిగా విముక్తి పొందాను … ఏ పరిస్థితి నన్ను కదిలించదు మరియు నా అంతర్గత శక్తిని తాకదు.
7. సత్యం – ఆత్మ మరియు భగవంతుని జ్ఞానం యొక్క స్వరూపులుగా మారడం. ప్రతి ఆలోచన, మాట మరియు చర్యలో ఆ జ్ఞానాన్ని అనుభూతి చెందడం. సత్యం యొక్క లోతైన ఆలోచన ఏమిటంటే – నేను భగవంతుని నుండి అన్ని సత్యాలను తెలుసుకున్నాను మరియు ఆత్మగౌరవంతో వినయంగా ఉంటాను.