మన నుండి దూరంగా వెళ్లే ప్రియమైన వారిని దగ్గరికి తీసుకురావడం

మనలో చాలా మంది ప్రేమ, గౌరవం మరియు అంగీకారం పొందడం కోసం సంబంధాలలోకి వస్తారు, కానీ మన పాత్ర ఇవ్వడం, పొందడం కాదని గుర్తించరు. ఇతరులు మన అంచనాలకు అనుగుణంగా లేకపోతే మనం వారిని అంగీకరించకుండా మార్చడానికి ప్రయత్నిస్తాము. అంటే మనం వారికి నెగెటివ్ ఎనర్జీని పంపి, మన నుండి దూరమయ్యేలా చేస్తున్నాం. ముఖ్యంగా ప్రియమైన వారితో మన సంబంధాలు చాలా వాగ్దానాలు  కలిగి ఉంటాయి, కానీ నేడు అతి పెద్ద సంఖ్యలో ఒకరికొకరు దూరమవుతున్నారు. శుభవార్త ఏమిటంటే, ఇద్దరు వ్యక్తులలో ఒకరు ఆ బంధాన్ని బాగు చేసి తిరిగి సమన్వయం చేయడానికి బాధ్యత వహించవచ్చు.

1. ప్రియమైన వ్యక్తి దూరమయ్యేలా చేసిన మీ చర్యల పై ఆత్మపరిశీలన చేసుకోండి. ఆ వ్యక్తి గురించి మీ అవగాహనను చెక్ చేసుకోండి – బహుశా మీరు వ్యక్తిని నెగెటివ్ గా అర్థం చేసుకొని, నెగిటివ్ ఆలోచనలతో నెగిటివ్ గా భావించి, నెగిటివ్ గా ప్రవర్తించి, నెగిటివ్ శక్తిని ప్రసారం చేసి ఉండవచ్చు.
2. మీ ప్రేమ మరియు కరుణ గుణాలను బలోపేతం చేయడానికి ప్రతిరోజూ ధ్యానం చేయండి. మీరు మీ గాయాన్ని నయం చేయగలరు. తద్వారా మీరు అవతలి వ్యక్తి నుండి క్షమాపణలు కోరుకోరు.

3. మీరు వారి గురించి ఏమనుకుంటున్నారో, వారి పట్ల ఎలాంటి భావాలు కలిగి ఉన్నారనే దానిపై శ్రద్ధ వహించండి అంతే కానీ వారు మీ గురించి ఏమనుకుంటున్నారనే దాని పైన కాదు. వారిని అంగీకరించి వారి విశేషతల పై దృష్టి పెట్టండి. ప్రేమ, అంగీకారం మరియు గౌరవం యొక్క శక్తిని ప్రసరింపజేయండి. మీ శక్తి వారిని నయం చేయడం ప్రారంభిస్తుంది.
4. అవతలి వ్యక్తి మన పట్ల బాధను లేదా కోపాన్ని పట్టుకుని ఉండవచ్చు. వారికి సమయం ఇవ్వండి. వారు సత్సంబంధంలోకి తిరిగి రాలేకపోయినా, కనీసం వారితో జరిగే పరస్పర చర్యలో వారి విబ్రేషన్స్ యొక్క నాణ్యత మారుతుంది.