సత్యత యొక్క వ్యక్తిత్వాన్ని సృష్టించడం (పార్ట్ 2)

భగవంతుడు సత్యతా సాగరుడు మరియు అత్యంత పరిపూర్ణ వ్యక్తిత్వం కలవారు. అలాగే, భగవంతుని వ్యక్తిత్వం పారదర్శకంగా, స్వచ్చంగా ఉంటుంది. మీరు వారిలో ఒక్క లోపాన్ని కూడా కనుగొనలేరు. దీనికి కారణం భగవంతునిలో ఉన్న గుణాలు లోతుగా ఉండటమేగాని పైపైన ఉండవు. భగవంతుడు మనకు సుఖంగా అనిపిస్తారు. ఎందుకంటే వారు కృత్రిమత్వం లేకుండా మన పట్ల నిజమైన ప్రేమను ప్రసరింపజేస్తారు. అదే విధంగా, మన వ్యక్తిత్వంలో, ప్రపంచం నుండి ఏదీ దాచకుండా, భగవంతుని వలె మనం చాలా స్వచ్చంగా, సత్యంగా ఉండాలి. మీ స్వభావంలో మీరు ఎంత పారదర్శకంగా ఉంటారో,  అంత ఎక్కువ మంది మీకు దగ్గరగా వస్తారు. వారికి మీతో ఉండటం సులభంగా, సుఖంగా అనిపిస్తుంది.

అలాగే, మీ సుగుణాలు అందరికీ ఎంతగా కనబడేలా ఉండాలంటే అందరూ మిమ్మల్ని ఎవరైనా ఒక సద్గునవంతుడిలా చూడాలి మరియు మీ గురించి అలా మాట్లాడుకోవాలి. ప్రేమ, వినయం, మధురత మరియు సంతృప్తి వంటి సుగుణాలు వ్యక్తులను మీకు దగ్గర చేస్తాయి. అలాగే, ఎట్టి పరిస్థితుల్లోనూ గుణాలు మారకుండా లేదా తగ్గకుండా ఉండనివ్వండి. మీరు వేర్వేరు వ్యక్తులతో ఉన్నప్పుడు కొన్నిసార్లు మీలోని గుణం మారుతుందని మీరు గమనించారా? ఒకరితో మీరు మరొకరి కంటే ఎక్కువ వినయంగా ఉంటారు. ఒక సందర్భంలో, మీరు మరొక సందర్భంలో కంటే మధురంగా ఉంటారు. దీని అర్థం ఏమిటంటే, గుణాలు ఉన్నాయి కానీ అవి అంత లోతుగా, నిజమైనవిగా ఉండవు. సత్యమైన ఆత్మ అంటే అటువంటి ఆత్మ యొక్క గుణాలు స్వచ్ఛమైన బంగారం లాంటివి. అలాంటి ఆత్మను సాధారణంగా ఇతరులు మెరిసే అద్దంలా అనుభవం చేసుకుంటారు, అందులో వారు తమ లోపాలను సులభంగా చూసి తెలుసుకుంటారు.  సద్గుణవంతులుగా మారడానికి ప్రేరణ పొందుతారు. ఇది సత్యమైన వ్యక్తిత్వం.

(సశేషం…)