Hin

24th april 2024 soul sustenance telugu

April 24, 2024

తోటివారి ఒత్తిడితో వ్యవహరించడం

సమాజంలో అంగీకారం, గౌరవం పొందడానికి మనం చేసే ప్రయత్నాలలో, సమాజానికి తగ్గట్టుగా ఉండటా నికి ప్రాధాన్యత ఇస్తాము. ఇతరులు చేసేది మనమూ చేయవలసిన అవసరం ఉందని భావిస్తాము. తోటివారి పెట్టే ఒత్తిడి మనం సిద్ధంగా లేని విషయాల వైపు మనల్ని నడిపిస్తుంది, మనలోని ఆత్రుతగా పెంచి పోరాడేలా చేస్తుంది. అది మనకు ఎంత పేరు తెచ్చిపెట్టినా దానికి లొంగకూడదు. రోజూ మీకు మీరే గుర్తు చేసుకోండి – నేను స్వతంత్ర ఆత్మను. నేను తోటివారి ఒత్తిడి నుండి విముక్తి పొందాను. నా జీవితాన్ని మంచిగా ఎలా గడపాలో నేను ఎంచుకుంటాను. నేను సంబంధాలలో ఆరోగ్యకరమైన సరిహద్దులను ఏర్పర్చుకొని, నా ఎంపికల ప్రకారం జీవిస్తాను. నేను తోటివారి ఒత్తిడికి గురికాకుండా ఉంటాను. ఇది మీ ఆత్మగౌరవాన్ని పెంపొందించడానికి, మీ ఎంపికలను గౌరవించడానికి మరియు స్పష్టమైన సామాజిక సరిహద్దులను ఏర్పరచడంలో మీకు సహాయపడుతుంది. మీ చుట్టూ ఉన్న వ్యక్తులను అనుసరించాలనే కోరికను మీరు అధిగమిస్తారు.

 

మీకు సౌకర్యంగా లేని పని చేయడానికి మీరు వ్యక్తుల నుండి వివిధ రకాల ఒత్తిళ్లకు లోనవుతున్నారా? భయం,నిస్సహాయత లేదా అంగీకరించబడతామని భావించడం వల్ల మీరు వారి ప్రభావానికి లొంగిపోయారా? తోటివారి ఒత్తిడి మిమ్మల్ని ఎంతవరకు ప్రభావితం చేసింది? మన కుటుంబం మరియు స్నేహితులు విభిన్న దృక్కోణాలు, ఎంపికలను కలిగి ఉంటారు. మనం చేయలేని కొన్ని పనులను వారు సులువుగా చేస్తారు. వాటిని అనుసరించడం ఎంత ప్రలోభ పెట్టేలా ఉన్నా, తోటివారి ఒత్తిడికి ‘లేదు’ అని చెప్పడం మనకున్న  ఎంపిక. ఈ జీవితం మన ప్రయాణం, జీవించాల్సినది మన ఎంపికల ప్రకారం. అందరూ  మన గురించి ఏమనుకుంటున్నారనే దాని గురించి మనం ఎల్లప్పుడూ ఆందోళన చెందుతుంటే, మన ఆత్మగౌరవం తీవ్రంగా పడిపోతుంది. మన సామర్థ్యం, విలువలు లేదా సూత్రాలపై రాజీ పడుతూ తోటివారికి కట్టుబడి ఉండకూడదు. నిర్ణయించుకునే సామర్థ్యం మనకుంది. మనల్ని మనం గౌరవించుకుంటూ, అంగీకరించబడాలని  ఇతరులపై ఆధారపడకుండా ఉందాము. మీ అంతర్వాణిని వినండి, మీ శారీరక బలం, భావోద్వేగ స్థైర్యం, విలువలు, స్థోమత, కట్టుబాట్లు మరియు సామర్థ్యం ఆధారంగా స్పందించండి. మీ అలవాట్లను, జీవనశైలిని ఎంచుకోండి. ఆరోగ్యకరమైనవి, ఆత్మను బలపరిచే వాటిని మాత్రమే చేయండి. మీ కుటుంబం మరియు స్నేహితులు మీకు మద్దతు ఇస్తారు. ఎవరైనా మీ అభిప్రాయాలకు సమ్మతించకపోయినా కూడా, వారితో మీ విభేదాలను అంగీకరించి వారి పట్ల గౌరవాన్ని ప్రసరింపజేయండి.

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

24th july 2024 soul sustenance telugu

ప్రశంసల కోరిక నుండి విముక్తి పొందడం (పార్ట్ 3)

మనందరికీ వేర్వేరు స్వభావాలు లేదా వ్యక్తిత్వాలు ఉంటాయి. జన్మ, పునర్జన్మల కథలో మన ప్రయాణాలు కూడా భిన్నంగా ఉంటాయి. కాబట్టి, ఈ సమయంలో, మనమందరం వివిధ రకాలుగా విజయాన్ని పొందుతాము. వ్యక్తులతో ప్రేమగా వ్యవహరించడంలో

Read More »
23rd july 2024 soul sustenance telugu

ప్రశంసల కోరిక నుండి విముక్తి పొందడం (పార్ట్ 2)

మన రోజువారీ జీవితంలో, మనలో కొందరు అనుభవం చేసుకునే  చాలా సాధారణ భావన ఏమిటంటే మనం చేసిన పనికి ప్రశంసలు పొందాలనే కోరిక. మీ కోసం, మీ కుటుంబం మరియు స్నేహితుల కోసం అలాగే

Read More »
22nd july 2024 soul sustenance telugu

ప్రశంసల కోరిక నుండి విముక్తి పొందడం (పార్ట్ 1)

మన రోజువారీ జీవితంలో, మనలో కొందరు అనుభవం చేసుకునే  చాలా సాధారణ భావన ఏమిటంటే మనం చేసిన పనికి ప్రశంసలు పొందాలనే కోరిక. మీ కోసం, మీ కుటుంబం మరియు స్నేహితుల కోసం అలాగే

Read More »