విజయం మరియు దాని సరైన సారాంశం (భాగం-3)

మీరు ఏదైనా పనిని ప్రారంభించినప్పుడల్లా, ఆ పని గురించి మీ మనస్సులోని ఆలోచనలను గమనించండి. ఆలోచనలలో ఆందోళన కలిగి ఉంటే, దృఢత లేకపోవటం లేదా ఇది కష్టం అనే భావన లేదా మీరు నెగిటివ్ దృష్టి కోణం కలిగి ఉంటే – మీరు ఆంతరికంగా సంతోషంగా లేరని అర్థం. ఈ రకమైన మనస్తత్వం ద్వారా ఆ పని నెగిటివ్గా ప్రారంభించి నట్టు అవుతుంది మరియు ఆ కార్యంలో విజయం పొందకుండా నిరోధిస్తుంది. పాజిటివ్ , శక్తివంతమైన మరియు సంతోషకరమైన ఆలోచనయే ఆ కార్యం సాధించడానికి శాశ్వత విజయానికి ఇంధనం. దృఢత విజయాన్ని ఆకర్షిస్తుంది మరియు ఆశ మరియు పాజిటివిటీ లేకపోవడం వైఫల్యానికి విత్తనాలను నాటడం వంటిది . అలాగే, చాలా మంది వ్యక్తులు వేగంగా మరియు తక్కువ వ్యవధిలో విజయం సాధించాలని చూస్తున్నారు, కానీ వారు మానిసిక స్థాయిలో వైఫల్యాన్ని పొందుతారు. వారు అసంతృప్తితో ఉండటమే కాకుండా వారు ఎవరిని సంతృప్తి పరచలేరు. కాబట్టి, ఎల్లప్పుడూ విజయం కోసం వెతకండి, కానీ మీరు మీ జీవితంలో చేరుకోవాలనుకొనే ముఖ్యమైన మైలురాళ్లను చేరుకోవడానికి ముందు, అడుగడుగునా ఆనందం మరియు సంతృప్తి కోసం వెతకండి. లేకపోతే, ఆ ప్రియమైన వారందరితోపాటు మీరు వారితో పంచుకునే అందమైన అనుబంధాలు మరియు మీరు గర్వించే స్వచ్ఛమైన ప్రేమాభిమానాలు కూడా మిమ్మల్ని వదిలివేస్తాయి. ఎందుకంటే, చాలా సార్లు, అతి వేగంగా మరియు అతి ఎక్కువగా విజయం సాధించాలనే తపనతో తప్పుడు దారిలో ప్రయాణిస్తాము. విజయం ఎంతో విలువైనది అనే నానుడి ఉంది . ఇది చాలా మంది యువ సాధకులకు వర్తిస్తుంది. వారు విజయం కోసం చాలా చేసి ఉండవచ్చు మరియు అది మంచి అయి ఉండవచ్చు , కానీ వారు ఈ సందేశంలో చెప్పినట్లు విజయం యొక్క నిజమైన అర్థాన్ని అనుసరించలేదు. అందువలన విజయానికి సరైన మార్గాన్ని తీసుకోలేదు.

ఎల్లప్పుడూ గుర్తుంచుకోండి, మనం మానవ యంత్రాలము కాదు మనము జీవం ఉన్న ఆత్మలము అంటే ఈ శరీరంలో నివసించే ఆత్మలము. ఎల్లప్పుడూ కర్మ చేసే ముందు ఆ జీవాత్మను గురించి ఆలోచించండి. విజయం ప్రతి నిమిషం మీ వద్ద ఉంటుంది. మీరు భౌతిక స్థాయిలో కొంచెం తక్కువ సాధించినా, మీ చుట్టూ ఉన్న ప్రతి ఒక్కరి నుండి ప్రేమ మరియు గౌరవం పరంగా మీరు చాలా ఎక్కువ సాధిస్తారు. అలాగే, సంతోషం యొక్క నిజమైన సంపద మీ జీవితమంతా మీతో ఉంటుంది మరియు మీరు జీవితాన్ని మరింత బలంగా మరియు ప్రశాంతంగా జీవిస్తారు.