ఇతర వ్యక్తుల స్క్రిప్ట్‌ను వ్రాయడం అనే నెగెటివ్ అలవాటు

ఈ జీవిత నాటకంలో మనమందరం నటులం, అనేక పాత్రలు పోషిస్తున్నాము. ప్రతి సన్నివేశం మన స్వంత స్క్రిప్ట్‌ను వ్రాసి అమలు చేయమని కోరుతుంది. కానీ, తరచుగా మనం మన  స్క్రిప్ట్‌లకు సమయాన్ని వెచ్చించము. బదులుగా మన మనసులో ఇతరుల స్క్రిప్ట్‌ను వ్రాయడంలో బిజీగా ఉంటాము – వారు ఏమి చెప్పాలి, వారు ఎలా ప్రవర్తించాలి, వారు ఎప్పుడు స్పందించాలి … మనం వారి పాత్రలలో చిక్కుకుపోయి మన పాత్రను మరచిపోతాము. మనుష్యులు వారి స్వంత స్క్రిప్ట్‌లను వ్రాస్తారు, వారు మన అంచనాల ప్రకారం ఉండలేరు. 

1. మీరు తరచుగా ఇతర వ్యక్తులను అంచనా వేస్తూ , వారు ఎలా ఉండాలి,  వారు ఏమి చేయాలి అని మనసులో స్క్రిప్ట్‌ను వ్రాస్తున్నారా? వారు మీ స్క్రిప్ట్‌ను అనుసరించనప్పుడు ఇది వ్యర్థమని మీరు గ్రహించారా? ఇతరులపై దృష్టి పెట్టడం ద్వారా మీ సమయం మరియు శక్తి క్షీణిస్తుంది కాబట్టి ఆ అలవాటు మీ స్వంత ఎదుగుదల మరియు అభివృద్ధిని తగ్గించిందా ?
2. మనమందరం ఈ ప్రపంచ నాటకంలో నటులం, మన జీవితంలో అనేక పాత్రలు పోషిస్తున్నాము. ప్రతి సీన్ లోనూ మనమే నటులం, దర్శకులం , స్క్రిప్ట్ రైటర్లం. కానీ తోటి నటీనటులతో పాత్రను పోషిస్తున్నప్పుడు, మనం వారి పనితీరుపై దృష్టి పెట్టడం ప్రారంభిస్తాము, మనసులో వారి స్క్రిప్ట్‌ను వ్రాసి వారు దానిని అనుసరించాలని ఆశిస్తాము. కానీ ఇతర వ్యక్తులు ఆ స్క్రిప్ట్‌ను అనుసరించలేరు.
3. మన దృష్టి మన పనితీరుపై ఉండాలి. పాత్ర ఏదైనా కావచ్చు, శాంతి, ప్రేమ, వివేకం అనే మన వ్యక్తిత్వం ప్రతి పాత్రలోనూ ప్రతిబింబించాలి. ఇతర నటీనటులు సరైన పనితీరును కనబరచకపోయినా, మన నటన వారికి తమను తాము సరిదిద్దుకునే మార్గాన్ని చూపాలి .
4. ఇతరుల స్క్రిప్ట్‌ను కాకుండా మీ స్వంత స్క్రిప్ట్‌ను పర్ఫెక్ట్ గా చేయడం గురించి ఆలోచించండి.  ప్రశాంతంగా, రిలాక్స్‌గా,  మీ సహ-నటులను శక్తివంతం చేస్తూ ప్రతి సన్నివేశాన్ని చక్కగా దాటండి. నా సహనటుల నటన ప్రభావంలోకి రాకుండా నేను ప్రతి పాత్రలో శాంతి మరియు కరుణతో కూడిన నా వ్యక్తిత్వాన్ని వెలికితీస్తాను అని మీకు మీరే గుర్తు చేసుకోండి.