మనసు  యొక్క  నియంత్రణ (పార్ట్ 2)

మనమందరం మన జీవితంలో అనేక ఉద్ధేశ్యాలు, లక్ష్యాలతో జీవిస్తాము. కొన్నిసార్లు ఈ జీవిత లక్ష్యాలు మనస్సు మరియు దాని ఆలోచనల పై ఆధిపత్యం చెలాయిస్తాయి. కాబట్టి జీవితంలోని విభిన్న పరిస్థితుల ప్రభావాన్ని నిర్వీర్యం చేయడానికి మనస్సుకు ఎల్లప్పుడూ కొన్ని సానుకూల ఆలోచనలను ఇస్తూ వాటిని అనుభవం చేసుకోండి. ఇటువంటి పరిస్థితులలో మన మనస్సును చాలా ఉపయోగించాల్సి ఉంటుంది. కాబట్టి, జీవితంలోని విభిన్న పరిస్థితులకు అనుగుణంగా కొన్ని సానుకూల ఆలోచనలను ఎంచుకుని, వాటిని ఉపయోగించి మనస్సును బలోపేతం చేసుకోండి. ఉదా. మీరు రోజంతా కంప్యూటర్‌ మీద పని చేస్తుంటే, మీకు మీరే ఇలా చెప్పుకోండి – నేను స్వచ్ఛమైన మరియు శాంతియుతమైన ఆత్మను, నా కళ్ళు మరియు చేతులను ఉపయోగించి కంప్యూటర్‌లో పనిని చేస్తున్నాను. ఈ స్పృహ మిమ్మల్ని మీ పని నుండి వేరు చేసి మీ మనస్సును ప్రభావితం చేయనివ్వదు. మీరు మీ పనిని నిర్వర్తిస్తారు కానీ ఏ విధమైన ఒత్తిడికి లోనవరు. మరొక ఉదా. మీరు కారు నడుపుతున్నపుడు మీ మనస్సు యొక్క శక్తిని దాని మీదే పెట్టవలసి ఉంటుంది. ఈ సందర్భంలో మీతో మీరు మాట్లాడుకోండి – నేను శక్తివంతమైన ఆత్మను, నేను  స్టీరింగ్ వీల్ మరియు కారులోని ఇతర భాగాలను, చేతులు, కాళ్లు మరియు కళ్లతో నియంత్రిస్తున్నాను. మనస్సులో ఈ రకమైన స్మృతి మిమ్మల్ని మానసికంగా మరియు ఆధ్యాత్మికంగా శక్తివంతం చేస్తుంది. సురక్షితంగా కారును నడపడంలో ఎదుర్కొనే వివిధ సవాళ్లకు ప్రభావితం కాకుండా చాలా పాజిటివ్ స్పృహతో నడుపుతారు.

ప్రతికూల పరిస్థితులు మరియు వాటి ఒత్తిళ్ల నుండి మనల్ని డిస్‌కనెక్ట్ చేసే ఉన్నత స్పృహకు ఇవి భిన్నమైన ఉదాహరణలు. ఫలితంగా వ్యర్ధ సంకల్పాలు తగ్గుతాయి. తత్ఫలితంగా, మన మనస్సు నిశ్శబ్దంగా ఉంటుంది మరియు అవసరం లేనప్పుడు అనేక ఇతర విషయాల గురించి ఆలోచించకుండా మనం చేస్తున్న పనిపై దృష్టి పెడుతుంది.

(సశేషం…)