HI

17th april 2024 soul sustenance telugu

April 17, 2024

విజయానికి 8 మెట్లు (పార్ట్ 1)

మనమందరం ఉదయం నుండి రాత్రి వరకు చేసే వివిధ చర్యలతో నిండిన జీవితాన్ని గడుపుతున్నాము. వ్యక్తిగత, వృత్తిపరమైన, సామాజిక లేదా ఆర్థిక రంగాలలో ప్రతి చర్య నేను ఆశించిన దానిని సాధించాలనే ఉద్దేశ్యం లేదా స్వచ్ఛమైన కోరికతో నిండి ఉంటుంది. కానీ ఆశయం ఒక మితిమీరిన కోరికగా మారినప్పుడు, అది మన సంబంధాలు, ఆరోగ్యం మరియు మనస్సును కొన్నిసార్లు ఒక్కొక్క దానిని, కొన్నిసార్లు అన్నిటిని కలిపి ప్రభావితం చేస్తే విషయాలు తప్పుగా జరుగుతాయి. కొంతమందిలో, విజయం సాధించాలనే కోరిక చాలా తీవ్రంగా ఉండి మితిమీరిపోయి అది వారి ఆలోచనలను అధికంగా ప్రభావితం చేస్తుంది. ఈ లక్ష్యం నుండి వారిని దూరం చేసే ఏదైనా చర్య పట్ల వారు ఆసక్తిని కోల్పోతారు.

కొందరికి విజయం ఒక ధరకు వస్తుందని అంటారు – విరిగిన మనసు, ఒత్తిడితో కూడిన మనస్సు, అనారోగ్యకరమైన శరీరం మరియు హానికరమైన సంబంధాలు. కొందరికి జీవితం ఒక నిరంతర సవాలు లాంటిది. సవాళ్లు మంచివి; అవి ఆంతరిక శక్తులను బయటకు తీసుకువస్తాయి మరియు మీలో దాగి ఉన్న సామర్థ్యాన్ని తడుతూ సహాయపడతాయి. కానీ అదే సమయంలో,  తింటూ, నిద్రపోతూ మరియు ప్రతి శ్వాసలో సవాళ్లు మరియు లక్ష్యాల కోసం తపించే జీవితం విజయానికి తప్పుడు మార్గం. చిన్నవయసులో వృత్తి పరంగా బాగా అలసిపోవడానికి ప్రధాన కారణం చాలా గొప్పగా సాధించాలనే కలలు కనటం మరియు మితిమీరన కోరికను పెట్టుకోవటం. ఇది చాలా మంది వ్యక్తులు తమ కెరీర్‌లు, కుటుంబ జీవితాల్లో కొంత కాలం తర్వాత తీవ్ర నిరాశకు, ఉత్సాహాన్ని మరియు ఆసక్తిని కోల్పోయేలా చేస్తోంది. చాలా మంది వ్యక్తులు మెడిటేషన్, సేద దీరే పద్ధతులను నేర్చుకుంటున్నారు ఎందుకంటే వారు తమ జీవితంలో ఎప్పుడో ఒకప్పుడు సమతుల్యతను కోల్పోయారు. విజయ గమ్యం తమ వైపుకు రాకుండా వారికి దూరంగా ఉండడంతో వారు విజయానికి సరైన మార్గాన్ని వదిలేసారు.

తరువాతి రెండు రోజుల సందేశాలలో, విజయం సాధించడానికి భావోద్వేగ స్థాయిలో తీసుకోవలసిన 8 విభిన్న దశలను వివరిస్తాము. అదే సమయంలో సంబంధాలలో ప్రేమను కోల్పోయే, శారీరక, మానసిక రోగాల రూపంలో ఎలాంటి దుష్ప్రభావాలు లేకుండా సాధించే విజయం.

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

23rd may 2024 soul sustenance telugu

మీకు భగవంతునితో బలమైన సన్నిహిత సంబంధం ఉందా?

భగవంతుడు శాంతి, ప్రేమ మరియు ఆనంద సాగరులు. ఈ అసలైన సుగుణాలు కలిగి ఉన్న ఆత్మలమైన మనం వారి పిల్లలం. మనం భగవంతునితో మంచి సంబంధాన్ని కలిగి ఉన్నప్పుడు, వారి నుండి ఈ సుగుణాలతో

Read More »
22nd may 2024 soul sustenance telugu

భిన్నంగా ఉన్న వారి పట్ల దయకలిగి ఉండటం

మీరు ప్రపంచాన్ని ఇతరులకు భిన్నంగా ఎలా చూస్తున్నారో గుర్తించడం ద్వారా మాత్రమే మీకు భిన్నంగా ఉన్న వారి పట్ల దయ కలిగి ఉండాలనే అవగాహనను పెంపొందించుకోవచ్చు. భిన్నంగా ఉన్న వారు అంటే మీరు కలిసే

Read More »
21st may 2024 soul sustenance telugu

మిమ్మల్ని మీరు మార్చుకోవాలని లోతుగా అనుకుంటున్నారా?

చాలా సార్లు, మనం మన స్వపరివర్తన లక్ష్యాలపై ముందుకు వెనుకకు ఊగిసలాడుతూ ఉంటాము . ఏదైనా తప్పు జరిగినప్పుడు మనం పైపై మార్పులు చేస్తూ ఉత్సాహంగా మొదలుపెడతాము. చాలా వరకు మన దృష్టి ఏమి

Read More »