બ્રાહ્મણોનો મુખ્ય સંસ્કાર - સર્વસ્વ ત્યાગી

તમારા બધાનું સંગઠન ખાસ શેનાં માટે મંગાવ્યું છે? સંગઠન માટે મુખ્ય ચાર વાતો જરુરી છે - ૧) પરસ્પર એકબીજા માં સ્નેહ, ૨) નજીક સંબંધ ૩) સર્વિસ (સેવા) ની જવાબદારી અને ૪) જ્ઞાન-યોગ ની ધારણા નું સબૂત (પ્રમાણ). આ ચારેય વાતોમાં તૈયાર છો? એકબીજા માં સ્નેહી કેવી રીતે બનવાનું હોય છે? સ્નેહી બનવાનું સાધન કયું છે? આ જે એકબીજાથી દૂર થઈ જાઓ છો તેનું કારણ આ છે - કારણ કે એકબીજાનાં સંસ્કાર, એકબીજાનાં સંકલ્પ નથી મળતાં. બધાનાં સંકલ્પ, સંસ્કાર એક થઈ કેવી રીતે શકે છે? (સંસ્કાર તો દરેકનાં પોત-પોતાનાં હોય છે) સંગમયુગી બ્રાહ્મણોનો મુખ્ય સંસ્કાર કયો છે? સાકાર રુપમાં મુખ્ય સંસ્કાર કયો હતો? જે બ્રહ્મા નાં સંસ્કાર તે બ્રાહ્મણો નાં. સાકાર બ્રહ્મા નો મુખ્ય સંસ્કાર કયો હતો. બ્રહ્મા માં તો તે સંસ્કાર સંપૂર્ણ રુપથી જોઈ લીધો. પરંતુ બ્રાહ્મણોમાં યથા યોગ, યથા શક્તિ છે. તેમનો મુખ્ય સંસ્કાર હતો - સર્વસ્વ ત્યાગી. નિરંહકારી નો અર્થ જ છે સર્વસ્વ ત્યાગી. પોતાનું બધું ત્યાગ કરી લે છે. સર્વસ્વ ત્યાગી હોવાથી સર્વગુણ આવી જાય છે. બીજાનાં અવગુણોને ન જોવાં, આ પણ ત્યાગ છે. ત્યાગ નો અભ્યાસ હશે તો આ પણ ત્યાગ કરી શકશો. સર્વસ્વ ત્યાગી અર્થાત્ દેહનાં ભાન નો પણ ત્યાગ. તો બ્રાહ્મણોનો મુખ્ય સંસ્કાર છે - સર્વસ્વ ત્યાગી. આ ત્યાગ થી મુખ્ય ગુણ કયા આવે છે? સરળતા અને સહનશીલતા. જેનામાં સરળતા, સહનશીલતા હશે તે બીજાઓને પણ આકર્ષણ જરુર કરશે. અને એકબીજાનાં સ્નેહી બની શકશે. જો સરળતા નથી તો સ્નેહ પણ નથી થઈ શકતો. એકબીજામાં સ્નેહી બનવું હોય તો તેની રીત આ છે. એક તો દેહ સહિત સર્વસ્વ ત્યાગી. આ સર્વસ્વ ત્યાગી થી સરળતા, સહનશીલતા આપમેળે જ આવશે. સર્વસ્વ ત્યાગી ની આ નિશાની હશે - સરળતા અને સહનશીલતા. સાકાર રુપમાં પણ જોયું ને. જેટલાં નોલેજફુલ (જ્ઞાનવાન) એટલો જ સરળ સ્વભાવ. જેને કહેવાય છે બાળપણનાં સંસ્કાર. વૃદ્ધ નાં વૃધ્ધ, બાળપણ નું બાળપણ.

તમારા બધાની ચલન એવી હોય જે તમારી ચલન થી બાપ અને દાદા નું ચિત્ર જોવામાં આવે. બોલવાથી નહીં. ચલન થી ચિત્ર જોવામાં આવશે. એવી ચલન હમણાં છે? તમારી ચલન થી બાપદાદાનું ચિત્ર જોવામાં આવે છે?

જોવામાં તો આવે છે પરંતુ ક્યારેક-ક્યારેક. જયારે એ સ્થિતિમાં રહીને સર્વિસ કરો છો ત્યારે તમારી વાણી થી, સૂરત (ચહેરા) થી સમજે છે કે આમને જ્ઞાન આપવા વાળા ખુબ જ ઊંચા છે. કહે છે ને તમારી ચલન થી બાપદાદાનાં ચિત્રો જોઈએ છીએ. પરંતુ ક્યારેક-ક્યારેક. તમે પણ કેમેરો છો. તમારા કેમેરામાં બાપદાદાનાં ચિત્રો છપાયેલા છે. તે ક્યારેક-ક્યારેક દેખાડો છે, કેમ? સદૈવ તે જ ચિત્રો ચલન થી કેમ નથી દેખાડતાં? (પુરુષાર્થ છે) આ પુરુષાર્થ શબ્દ ક્યાં સુધી ચાલવાનો છે? કેટલો સમય હજું પુરુષાર્થ કરવાનો છે? શું અંત સુધી આવું જ કહેતા રહેશો? કે અમે પુરુષાર્થી છીએ. જેમ હમણાં કહી રહ્યાં છો એમ જ અંત સુધી કહેશો? પુરુષાર્થ શબ્દ પણ હવે ચેન્જ (પરિવર્તન) થવાનો છે. ભલે પુરુષાર્થી તો અંત સુધી રહેશો પરંતુ તે પુરુષાર્થ આવો નહીં હોય જેમ હમણાં કહો છો. પુરુષાર્થ નો અર્થ જ છે જે એક વખત ભૂલ થઈ પછી બીજી વખત ન થાય. એવો પુરુષાર્થ છે? પુરુષાર્થ નો જે અર્થ છે તેમાં પ્રેકટીકલમાં (વ્યવહારમાં) આવવાનું છે. એક જ ભૂલ વારંવાર થાય તો તેને પુરુષાર્થ કેવી રીતે કહેવાય? પુરુષાર્થ નું લક્ષ્ય જે હોવું જોઈએ તે પુરુષાર્થી બનવાનો પણ પુરુષાર્થ કરવાનો છે. બાકી આ રીતનો પુરુષાર્થ શબ્દ પણ નીકળી જવો જોઈએ.